акафист нилу столобенскому слушать в исполнении братии монастыря

18.04.202319.04.2023 admin 0 Comments

Молитва св нилу столобенскому

Религиозное чтение: молитва св нилу столобенскому в помощь нашим читателям.

Молитвы святым

Память: 27 мая / 9 июня (обретение мощей), 7 / 20 декабря

Преподобный Нил Столобенский – великий подвижник, чудотворец, сподобившийся дара духовного прозрения и рассуждения. Его просят о помощи одолеваемые унынием и ленью, о защите от воров и пожара, от природных стихий.

Преподобный Нил Столобенский на фоне монастыря. Икона, XVII век

Тропарь преподобному Нилу Столобенскому, глас 4

Яко светильник, всесветел, явился еси во острове Селигера езера, преподобне отче Ниле, ты бо, крест Христов от юности своея на рамо взем, усердно Тому последовал еси, чистотою Богови приближився, отонудуже и чудес дарованием обогатился еси. Тем и мы, притекающи к раце мощей твоих, умильно глаголем: отче преподобне, моли Христа Бога, спастися душам нашим.

Кондак преподобному Нилу Столобенскому, глас 8

Отечества, преподобне, удалився, в пустыню вселился еси, и, на остров Селигера езера возшед, жестоко житие показал еси, и, многих добродетельми удивив, дарования чудес от Христа приял еси. Поминай нас, чтущих память твою, да зовем ти: Радуйся, Ниле, отче наш.

Ублажаем тя, преподобне отче Ниле, и чтим святую память твою, наставниче монахов и собеседниче Ангелов.

Молитва преподобному Нилу Столобенскому

О великий угодниче, преславный чудотворче, собранного зде о тебе стада Христова бодрый пастырю и обители сея Богом данный начальниче, Ниле всеблаженне! Душею на небеси Престолу Божию предстояй и Троичныя славы наслаждаяйся, телом же на земли в Божественном храме сем почиваяй и от него данною ти свыше благодатию различная источаяй чудеса, призри милостивым оком на предстоящия честней твоей раце люди и просящия сильныя твоея помощи. Се бо мы в безмерных согрешениих осквернившиися и в тине страстей присно валяющиися, праведный гнев Божий на себе наведохом и всякия милости недостойны сотворихомся; темже и не смеюще возвести очес наших к высоте небесней, ниже вознести молебный глас, сердцем сокрушенным и духом смиренным тебе в ходатайство и пособие призываем. Ты убо, яко стяжавый дерзновение, воздвигни горе преподобныя твоя руце, якоже иногда чудный оный Моисей Боговидец Амалика побеждаяй, и простер к Господу Творцу всех и Богу теплую свою молитву, испроси Церкви благостояние, воздуха благорастворение, земли плодоносие. Избави же всех, верою несумненною к Богу приходящих и многоцелебныя мощи твоя благоговейно почитающих, от всяких бед душевных и телесных, от всех томлений и прилогов диавольских. Буди печальным утешитель, недугующим врач, напаствуемым помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий и исходатайствуй всем, крепкия помощи твоея усердне требующим, вся яже ко спасению полезная. Яко да твоими молитвами наставляеми, путь на земли маловременнаго жития нашего безбедне совершим, улучим же на небеси нескончаемый покой и прославим купно с тобою всех благих Дателя, единаго в Троице славимаго Бога Отца и Сына и Святаго Духа, ныне и присно, и во веки исков. Аминь.

Акафист преподобному Нилу Столобенскому:

Канон преподобному Нилу Столобенскому:

Житийная и научно-историческая литература о преподобном Ниле Столобенском:

Читать другие молитвы раздела «Православный молитвослов»

Молитва преподобному Нилу, Столобенскому чудотворцу.

Икона Образ Нил Столобенский

Молитва преподобному Нилу, Столбенскому чудотворцу

О великий угодниче, преславный чудотворче, собранного зде о тебе стада Христова бодрый пастырю и обители сея Богом данный начальниче, Ниле всеблаженне! Душею на небеси Престолу Божию предстояй и Троичныя славы наслаждаяйся, телом же на земли в Божественном храме сем почиваяй и от него данною ти свыше благодатию различная источаяй чудеса, призри милостивым оком на предстоящия честней твоей раце люди и просящия сильныя твоея помощи. Се бо мы в безмерных согрешениях осквернившиися и в тине страстей присно валяющиися, праведный гнев Божий на себе наведохом и всякия милости недостойны сотворихомся; темже и не смеюще возвести очес наших к высоте небесней, ниже вознести молебный глас, сердцем сокрушенным и духом смиренным тебе в ходатайство и пособие призываем. Ты убо, яко стяжавый дерзновение, воздвигни горе преподобныя твоя руце, якоже иногда чудный оный Моисей Боговидец Амалика побеждаяй, и простер к Господу Творцу всех и Богу теплую свою молитву, испроси Церкви благостояние, воздуха благорастворение, земли плодоносие. Избави же всех, верою несумненною к Богу приходящих и многоцелебныя мощи твоя благоговейно почитающих, от всяких бед душевных и телесных, от всех томлений и прилогов диавольских. Буди печальным утешитель, недугующим врач, напаствуемым помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий и исходатайствуй всем, крепкия помощи твоея усердне требующим, вся яже ко спасению полезная. Яко да твоими молитвами наставляеми, путь на земли маловременнаго жития нашего безбедне совершим, улучим же на небеси нескончаемый покой и прославим купно с тобою всех благих Дателя, единаго в Троице славимаго Бога Отца и Сына и Святаго Духа, ныне и присно, и во веки веков. Аминь.

Молитва иная Нила Столобенского (пред гробницею преподобного)

О преподобне и богоблаженне, пастырю и начальниче, отче Ниле! Ты убо, яко имея ко Владыце Христу дерзновение и ко Пречистей Его Матери, Пресвятой Богородице, буди молитвенник и помощник и ходатай о нас, недостойных рабех твоих, живущих во святей обители сей, ейже ты начальник богоизбранной дружине братству сему, и о приходящих с верою к цельбоносным мощем твоим. Буди помогая и заступая от злаго нашего сопротивника, яко, да твоими молитвами пребывающии на месте сем и приходящии с верою к раце мощей твоих и на всяком месте призывающии тя на помощь невредими будем от бесов и злых человек, славу и благодарение возсылающе Отцу, Сыну и Святому Духу, ныне и присно и во веки веков. Аминь.

Тропарь преподобного Нила Столобенского.

Яко светильник всесветел,/ явился еси во острове Селигера езера,/ преподобне отче Ниле,/ ты бо, крест Христов от юности своея на рамо взем,/ усердно Тому последовал еси,/ чистотою Богови приближився,/ отонудуже и чудес дарованием обогатился еси./ Тем и мы, притекающе к раце мощей твоих, умильно глаголем:/ отче преподобне,/ моли Христа Бога// спастися душам нашим.

Отечества, преподобне, удалився,/ в пустыню вселился еси,/ и, на остров Селигера езера возшед,/ жестоко житие показал еси,/ и, многих добродетельми удивив,/ дарования чудес от Христа приял еси./ Поминай нас, чтущих память твою, да зовем ти:// радуйся, Ниле, отче наш.

Ублажаем тя, преподобне отче Ниле, и чтем святую память твою, наставниче монахов и собеседниче Ангелов.

Преподобный Нил Столобенский: житие, акафист, молитва, икона

В конце XV века в селении Жабна Новгородской волости появился на свет великий подвижник Русской Православной Церкви преподобный Нил Столобенский. Получив от Господа за великое своё смирение дар духовного прозрения, он, следуя Божьим заветам, посвятил всю свою жизнь служению ближним, принимая в уединённой лесной келье множество людей, пришедших к нему за духовной помощью и советом.

Детство и монашеский постриг

Точная дата его рождения неизвестна, сокрыто от нас и имя, полученное младенцем при святом крещении, но из позднейшего жизнеописания, составленного первым игуменом обители, в которой подвизался угодник Божий, явствует, что его родители были набожными и благочестивыми людьми. Они воспитали сына в истинно христианском духе, с ранних лет привив ему любовь к молитве и чтению Священного Писания.

Когда в 1505 году Господь призвал их к Себе, отрок, не имея более никого из родных, направился в близлежащий монастырь преподобного Саввы Крыпецкого. Там, отбыв положенный срок послушником, он принял монашеский постриг с именем Нил в честь святого Нила Синайского, о подвигах которого много читал в святоотеческих книгах.

Борьба с искушениями духа и плоти

Известно, что в первые годы иночества особенно тяжело бывает молодым монахам, на которых дьявол с особой яростью насылает искушения, земными страстями отвращая их разум от богомыслия. Чтобы с честью противостоять врагу, Нил Столобенский вооружился молитвой и, изнуряя плоть постами и бдением, подготовил себя к тому, чтобы впоследствии сделаться избранным сосудом Духа Божьего.

Много пришлось молодому иноку понести трудов, возложенных на него настоятелем монастыря, но никто не слышал от него ни единой жалобы. Для всей братии он являл собой пример кротости и беззлобия. Очень скоро молва о его добродетелях вышла далеко за стены монастыря, и к его келье потянулись люди, чтобы взглянуть на молодого праведника.

В одинокой лесной келье

Сторонясь мирской славы, Нил Столобенский испросил благословение у настоятеля обители игумена Германа и принял на себя подвиг пустынножительства. Долго странствуя непроходимыми лесными чащобами, он, наконец, пришёл в Ржевскую землю, где на берегу небольшой речки Черемхи построил себе келью. Здесь, вдалеке от людей, будущий святой предался непрестанной молитве, обращая все свои помыслы к Горнему Миру.

Устрашение разбойников

В житие святого приводится случай, когда к нему явились разбойники, полагая, что найдут у него поживу. Осенив себя крестным знамением, подвижник вышел им навстречу, держа в руках единственную свою ценность – образ Пресвятой Богородицы. И случилось чудо: злодеям было видение множества воинов, стоявших за спиной Нила. Устрашившись, разбойники пали на колени перед святым и слёзно каялись в своих намерениях. Смиренный подвижник простил их и, произнеся назидание, отпустил с миром.

Путь к пустынному острову

Так, в непрестанных молитвах и постах, провёл Нил Столобенский тринадцать лет. Но свет Божьей истины, обильно источаемый им, не мог укрыться от мира. Вскоре к одинокой лесной келье потянулись жители окрестных деревень. Приходили они, чтобы испросить у праведника молитв, благословений, а также мудрого совета во всех житейских делах. Чуждаясь мирской славы, святой просил Царицу Небесную наставить его на путь истинного пустынножительства и уединенных подвигов.

Пресвятая Богородица не оставила без ответа его молитв и вскоре, явившись ему в тонком сне, повелела оставить свою келью и держать путь к озеру Селигеру. Там, переправившись на остров Столобный, поселиться в уединённом месте и продолжить подвиг молитвы и постничества. Исполнив волю Царицы Небесной, святой Нил совершил своё путешествие в 1528 году. Об этом доподлинно известно из записей, сохранившихся в книгах Нило-Столобенской обители.

На новом месте

Придя на остров в конце осени, он не имел возможности до наступления холодов построить келью и первую зиму провёл в землянке, вырытой на лесной поляне. Лишь на следующий год святой отшельник построил себе жилье и воздвиг возле него часовенку. Как и в прежние годы, питался Нил Столобенский исключительно лесными дарами, лишь изредка дополняя их рыбой, пожертвованной ему рыбаками.

Но враг рода человеческого, прежде посрамлённый Нилом, решил отомстить ему. Он ожесточил против святого старца сердца окрестных жителей, вдруг пожелавших вырубить лес на острове и использовать его под пашню. Они полагали, что когда подожгут поваленные деревья, пламя уничтожит и мешавшую им келью отшельника. Но Сила Господня не оставила Нила и в этот раз. По его молитве огонь, охвативший остров, не причинил вреда ни келье, ни часовне, поселив в то же время страх в сердцах его недоброжелателей.

Посрамление бесов и обретение духовных даров

Повторилась на острове и прежняя история с разбойниками, захотевшими поживиться за счёт Нила. Только в этот раз кара злодеям была поистине тяжкой. Войдя в келью, они были поражены слепотой, и только после долгих слёз и раскаяний, по молитве святого, вновь обрели зрение. Так преподобный Нил Столобенский вновь посрамил бесов и вразумил окрестных жителей, исполнившихся к нему после этого чувством благоговения.

Одержавшему победу над собственными страстями святому Нилу был ниспослан Господом дар духовного прозрения и рассуждения. В монастырских записях говорится, что очень многие люди, приходя к нему, получали наставления, менявшие их жизнь и помогавшие найти единственно верное решение в самых сложных ситуациях. Известны также случаи, когда по его молитвам стихали волны на Селигере, и рыбаки, застигнутые бурей, возвращались домой живыми и невредимыми.

Последние годы жизни и блаженная кончина

На острове Столобном святой отшельник прожил двадцать семь лет. Здесь он прославил Господа подвигом, который прежде был неведом даже самым искушённым аскетам. Не желая давать послабление плоти, преподобный Нил проводил краткие часы ночного сна не лёжа, как все прочие люди, а сидя, опираясь на специально вбитые в стену кельи стальные крючья. Чтобы неустанно помнить о предстоящей смерти и ожидающем после неё Суде Божьем, святой ископал себе в келье могилу и, созерцая её, постоянно сокрушался и оплакивал содеянные им грехи. Так проводил свои дни и ночи преподобный Нил Столобенский.

Житие святого повествует о том, что Господь заранее открыл ему день и час его блаженной кончины. Ему было ведомо, что завершит он свой земной путь именно 7 декабря 1554 года, на исходе дня. Готовясь предстать перед Высшим Судом, преподобный послал местного рыбака к своему духовнику, прося того посетить его в этот важный для него час.

Игумен Сергий, прибывший по его зову из Раковского Свято-Никольского монастыря, исповедовал старца и причастил Святых Христовых Тайн. На следующий день преподобный был обнаружен в своей келье, тихо отошедшим ко Господу. По свидетельству очевидцев, его тело, поддерживаемое вбитыми в стену крючьями, источало благоухание, а лик сиял неземным светом.

Предсмертное пророчество

Слава благочестивого отшельника далеко разошлась по Руси. На Селигер стали приезжать иноки из многих монастырей и проводить дни в келье, в которой прежде жил Нил Столобенский. Молитва, вознесённая среди её стен, помогала испросить у Господа здоровья страждущим и покоя мятущимся духом. Вскоре на месте погребения святого была сооружена гробница, также прославившаяся многочисленными совершёнными на ней исцелениями.

Не замедлило исполниться и предсказание, которое оставил перед своей кончиной Нил Столобенский. Житие святого, составленное впоследствии иноком Свято-Троицкого монастыря Филофеем, говорит о том, что духовными очами он обозревал воздвигнутый в будущем на месте его кельи монастырь. Его появление преподобный и предсказал незадолго до смерти.

Строительство монастыря

Сбываться пророчество начало в 1590 году, когда поселившийся на острове инок Герман и странник Борис Холмогорец, испросив благословения у Новгородского митрополита, возвели деревянную церковь во имя святого блаженного Василия. Вокруг неё вскоре образовалась небольшая монашеская община, давшая начало будущему монастырю, названному Ниловой пустынью. Первым его игуменом стал инок Герман, оставивший жизнеописание Нила Столобенского, на основании которого впоследствии было составлено житие святого.

В 1665 году монастырь постигло страшное несчастье. В огне разразившегося пожара погибли все его деревянные постройки, включая и главный храм. Чтобы не прерывать богослужения, иноки возвели временную деревянную церковь, а два года спустя преступили к строительству каменного храма и нового надгробия на могиле преподобного Нила. Во время земляных работ, производимых 27 мая, всем присутствующим было явлено чудо. Одна из земляных стен котлована осыпалась, и взорам монахов предстал гроб святого с его нетленными и благоуханными мощами.

Почитание преподобного Нила Столобенского

Узнав о случившемся, митрополит Новгородский Питирим установил в этот день праздник. С этих пор день Нила Столобенского отмечается православной церковью 27 мая (обретение мощей) и 7 декабря (память блаженной кончины). В октябре 1669 года были завершены работы по возведению каменного храма, и мощи были помещены в одном из его пределов в специально изготовленной раке.

Незадолго до этого решением Святейшего Синода среди прочих угодников Божьих к лику святых был причислен и преподобный Нил Столобенский. Акафист, составленный в его честь, подробно рассказывает о пути служения Господу, пройденном этим великим подвижником, и призывает его вознести пред Господом молитвы обо всех, кто ещё не покинул юдоль земной жизни.

В наши дни во многих православных храмах можно увидеть его образ. Икона Нила Столобенского нередко встречается и в домашних иконостасах верующих людей. В дни его памяти в церквах, как правило, бывает многолюдно. Это говорит о всеобщем почитании и уповании на молитвы, которые возносит о нас пред Господом Нил Столобенский. В чем помогает он и о чём принято его просить?

За те столетия, что миновали со дня его блаженной кончины, нужды людские не сильно изменились. Так же как и в прежние времена, к нему прибегают в поисках исцеления от недугов, испрашивают благополучия себе и близким, а отправляясь в дальнюю и трудную дорогу – благословения на добрый путь.

Источник

@Κύριεἐλέησον.με

Ки́рие эле́йсон

Акафист святому преподобному Нилу Селигерскому, Столобенскому чудотворцу

Конда́къ 1

И збра́нному отъ пеле́нъ въ во́инство Христо́во и впи́санному отъ ю́ности въ кни́гу живота́ вѣ́чнаго, ди́вному въ чудесѣ́хъ, преподо́бному отцу́ на́шему Ни́лу, вси́, насыща́ющіися чрезъ него́ подава́емыхъ неоску́дно Бо́жіихъ дарова́ній, соше́дшеся воспои́мъ ему́, я́ко хода́таю и моли́твеннику о душа́хъ на́шихъ, въ весе́ліи глаго́люще:

Р а́дуйся, преподо́бне о́тче Ни́ле, Столобе́нскій чудотво́рче.

Икосъ 1

А нгела Госпо́дь Своего́ посла́ къ тебѣ́, преподо́бне о́тче, возвѣсти́ти, егда́ узрѣ́ твое́ мудрова́ніе о небе́сныхъ, дабы́ преше́лъ еси́ изъ пре́жнія пусты́ни во о́ную, въ не́йже подвиза́лся еси́; ты́ же ни мѣ́ста, ни страны́ о́ныя вѣ́дая, но па́че на Посла́вшаго тя́ Го́спода упова́я и вѣ́руя, я́ко перна́тый поте́клъ еси́ въ ню́. Мы́ же, ча́да твоя́, а́ки на пути́ тя́ срѣта́юще, привѣ́тствуемъ, си́це возглаша́юще:

Р а́дуйся, послуша́нія на́мъ о́бразъ оста́вивый; ра́дуйся, любве́ ра́ди Христо́вы вся́ кра́сная мíра сего́ за уме́ты вмѣни́вый. Ра́дуйся, Мелхиседе́ку подо́бенъ яви́выйся; ра́дуйся, я́ко ты́ роди́телей земны́хъ утаи́лъ еси́ отъ на́съ, да Небе́сному Отцу́ въ сыновство́ причте́шися. Ра́дуйся, я́ко за лише́ніе сродства́ и дру́жества стяжа́лъ еси́ съ небе́сными содру́жество; ра́дуйся, преподо́бне, возненави́дѣвый мíра сего́ вся́кое наслажде́ніе. Ра́дуйся, я́ко за сіе́ воспрія́лъ еси́ небе́сныя жи́зни учрежде́ніе; ра́дуйся, преподо́бне, послужи́вый Го́споду преподо́біемъ и пра́вдою. Ра́дуйся, за сіе́ отъ Него́ почте́нный че́стію и сла́вою вѣ́чною; ра́дуйся, въ по́двизѣхъ дневны́хъ и ночны́хъ тече́ніе жи́зни вре́менныя соверши́вый. Ра́дуйся, въ невече́рнемъ дни́ Ца́рствія Бо́жія при́сно пребыва́яй; ра́дуйся, тѣ́хъ благи́хъ, и́хже о́ко не ви́дѣ и у́хо не слы́ша, вѣ́чный наслѣ́дниче.

Р а́дуйся, преподо́бне о́тче Ни́ле, Столобе́нскій чудотво́рче.

Конда́къ 2

В и́дѣвъ пока́занное ти́ Бо́гомъ мѣ́сто, преподо́бне о́тче Ни́ле, возра́довался еси́ о красотѣ́ его́; отъ ра́дости же, я́ко не презрѣ́ Госпо́дь Бо́гъ трудо́въ твои́хъ, сія́ благода́рнымъ гла́сомъ восклица́лъ еси́: О, Тро́ице Пресвята́я, еди́на въ Божествѣ́ въ тріе́хъ Ли́цахъ нераздѣ́льная, Бо́же Отче Всемогу́щій, Бо́же Сы́не Единоро́дный, Бо́же Ду́ше Утѣ́шителю, свѣтоза́рный мíру свѣ́те, наста́вниче и промысли́телю всѣ́хъ спасе́нія, да́руй мнѣ́ до конца́ жи́зни моея́ на се́мъ мѣ́стѣ вы́ну воспѣва́ти Тебѣ́ пѣ́снь: А ллилу́ія.

Икосъ 2

Р а́дуйся, преподо́бне, земно́е мудрова́ніе Боже́ственнѣй во́ли повину́вый; ра́дуйся, жела́ніе твое́ ко Влады́цѣ, Христу́ Го́споду, вся́чески утвержде́нно имѣ́вый. Ра́дуйся, крила́ми богомы́слія сѣ́ти вра́жія сокруши́вый; ра́дуйся, вся́ его́ зло́бная на тя́ умышле́нія до конца́ посрами́вый. Ра́дуйся, оста́вивый привре́менныя имѣ́нія и возлюби́вый нищету́ Христо́ву; ра́дуйся, я́ко ны́нѣ за сіе́ дости́глъ еси́ къ вѣ́чному и неистощи́мому Его́ бога́тству. Ра́дуйся, во умерщвле́ніи страсте́й да́же до конца́ жи́зни твоея́ неусы́пно бо́дрствовавый; ра́дуйся, сме́ртію вре́менною къ вѣ́чному безсме́ртію преше́дый. Ра́дуйся, за глубо́кое смире́ніе въ вѣ́чныя кро́вы вознесе́нный; ра́дуйся, въ непристу́пнѣй сла́вѣ получи́вый прича́стіе. Ра́дуйся, вся́кія добродѣ́тели себе́ самаго́ о́бразъ на́мъ яви́вый; ра́дуйся, я́ко за сіе́ ны́нѣ во Ца́рствіи небе́снѣмъ ве́лій нарече́нъ еси́.

Р а́дуйся, преподо́бне о́тче Ни́ле, Столобе́нскій чудотво́рче.

Конда́къ 3

С и́льна и непреобори́ма тебе́ показа́лъ еси́, преподо́бне о́тче, дре́внему врагу́ и зави́стнику блаже́нства на́шего: егда́ бо зря́ тебе́ о́нъ, я́ко де́нь отъ дне́ лѣ́ствицу добродѣ́телей къ небеси́ незы́блему утвержда́еши, и человѣ́къ пло́тянъ, но я́ко а́нгелъ безпло́тный житіе́ прохо́диши, умы́сли отъ благослове́ннаго ти́ Бо́гомъ мѣ́ста отдали́ти, разли́чными привидѣ́ніи устраша́ше тя́; ты́ же вся́ его́ кова́рства, а́ки паучи́нныя сѣ́ти, бо́дренною моли́твою разгна́лъ еси́, я́ко не смѣ́ти ему́ и издале́ча на тя́ взира́ти, егда́ слы́ша тя́ пою́ща: А ллилу́ія.

Икосъ 3

И мѣ́я несумнѣ́нную наде́жду о спасе́ніи твое́мъ, преподо́бне о́тче Ни́ле, ко исхо́ду отъ жи́зни сея́ всегда́ гото́въ бы́лъ еси́, и вы́ну имѣ́я въ па́мяти сме́рть, пре́жде о́ныя многотру́дному своему́ тѣ́лу мѣ́сто свои́ма рука́ма изгото́вилъ еси́. Мы́ же, ча́да твоя́, а́ки надгро́бную пѣ́снь пое́мъ ти́, си́це глаго́люще:

Р а́дуйся, труды́ твоя́ и по́двиги и́ноческія измѣни́вый вѣ́чнымъ упокое́ніемъ; ра́дуйся, страсте́й мглу́ истреби́вый. Ра́дуйся, облече́нный ны́нѣ въ ри́зу безстра́стія; ра́дуйся, а́нгельски на земли́ житіе́ пожи́вый. Ра́дуйся, ко гра́ду нетлѣ́ннаго Еде́ма преше́дый; ра́дуйся, предстоя́нія у стра́шнаго престо́ла Влады́чня сподо́бивыйся во сла́вѣ вѣ́чнѣй. Ра́дуйся, усе́рдно возлюби́вый за́повѣди Христа́ Го́спода; ра́дуйся, я́ко дру́гъ че́стенъ и са́мъ отъ Него́ возлю́бленъ еси́. Ра́дуйся, мно́ги ско́рби съ вели́кимъ благодаре́ніемъ претерпѣ́вый; ра́дуйся, въ неизглаго́ланную ра́дость Го́спода своего́ воспрія́тый. Ра́дуйся, я́ко дарова́ся тебѣ́ отъ Бо́га во благослове́ніихъ прославля́ему бы́ти; ра́дуйся, я́ко сла́ва твоя́ отъ человѣ́къ всегда́ ублажа́ется.

Р а́дуйся, преподо́бне о́тче Ни́ле, Столобе́нскій чудотво́рче.

Конда́къ 4

Б у́рею помышле́ній невѣ́рныхъ о тебѣ́, преподо́бне о́тче, неи́стовіи человѣ́цы смято́шася, мня́ще, а́ки бы не ра́ди любве́ Христо́вы то́ль же́стокій пусты́нный пу́ть проходи́лъ еси́, но выну́ уедине́ннаго житія́ твоего́ непщева́ху бы́ти стяжа́ніе имѣ́нія, чесо́ ра́ди и окра́сти тя́ умы́слиша; но вмѣ́сто ча́емаго сокро́вища обрѣто́ша еди́нъ о́бразъ Пречи́стыя Богома́тере съ Предвѣ́чнымъ Младе́нцемъ, на руку́ Ея́ держи́мымъ, Го́сподомъ Іису́сомъ, къ Нему́же ты́ де́нно и но́щно воспѣва́лъ еси́: А ллилу́ія.

Икосъ 4

С лы́шимъ и вѣ́руемъ, преподо́бне о́тче Ни́ле, я́ко Бо́гъ тебѣ́, лю́бящему Его́, да́рствуетъ толи́кая воздая́нія, и́хже о́ко не ви́дѣ и у́хо не слы́ша, и я́же на се́рдце человѣ́ку не взыдо́ша. Жела́юще же и мы́ твои́ми богопрія́тными моли́твами та́яжде получи́ти, вопіе́мъ ти́:

Р а́дуйся, жела́нія твоего́ соверше́нное получи́вый исполне́ніе; ра́дуйся, на е́же вѣ́рою взира́лъ еси́, ны́нѣ лице́мъ къ лицу́ непристу́пнаго Божества́ сла́ву созерца́еши. Ра́дуйся, я́ко отту́ду неизрече́нныя ра́дости и весе́лія почерпа́еши исполне́ніе; ра́дуйся, я́ко ктому́ не приключи́тся что́ тебѣ́ жела́ти и хотѣ́ти во вѣ́ки. Ра́дуйся, я́ко ктому́ не прирази́тся къ душѣ́ твое́й прило́гъ вра́жіихъ навѣ́товъ и искуше́ній; ра́дуйся, я́ко кора́бль тво́й упра́вилъ еси́ на мѣ́сто вои́стинну до́брое. Ра́дуйся, я́ко ста́лъ еси́ и́мъ, а́ки на гора́хъ Арара́тскихъ, на са́мыхъ гора́хъ небе́сныхъ; ра́дуйся, я́ко ктому́ уже́ о́нъ не бои́тся потопле́нія. Ра́дуйся, я́ко у́мъ тво́й укрѣпле́нъ е́сть во вѣ́ки благода́тнымъ укрѣпле́ніемъ; ра́дуйся, я́ко обогати́лся еси́ преизоби́льно дара́ми Боже́ственными. Ра́дуйся, я́ко до возглаше́нія арха́нгельскихъ тру́бъ и́маши душе́вное боговидѣ́ніе; ра́дуйся, я́ко егда́ по возглаше́нію и́хъ ме́ртвіи отъ гробо́въ воскре́снутъ, и ты́ воста́неши съ тѣ́ломъ си́мъ къ лицезрѣ́нію Бо́жію.

Р а́дуйся, преподо́бне о́тче Ни́ле, Столобе́нскій чудотво́рче.

Конда́къ 5

Б оготе́чная я́ко звѣзда́ яви́лся еси́, преподо́бне, во о́стровѣ Селиге́ра е́зера; и́бо вся́ окре́стныя страны́ да́нною ти́ отъ Со́лнца пра́вды, Христа́ Бо́га, благода́тію озаря́еши, и на мо́ри стра́стнаго сего́ житія́ обурева́емыхъ наставля́еши посо́біемъ моли́твъ твои́хъ на пу́ть спасе́нія, къ небе́сному оте́честву веду́щь, и науча́еши еди́нѣми усты́ и еди́нѣмъ се́рдцемъ съ тобо́ю воспѣва́ти въ Тро́ицѣ сла́вимому Бо́гу: А ллилу́ія.

Икосъ 5

В и́дѣлъ еси́, преподо́бне, я́ко въ мíрѣ се́мъ вся́ческая су́ть суета́ и вся́ тлѣ́нію прича́стна: прехо́дитъ бо мíръ и по́хоть его́; уразумѣ́лъ же еси́, я́ко творя́й во́лю Бо́жію, то́ю еди́нъ пребыва́етъ во вѣ́ки; сего́ ра́ди, бѣ́гая мíра и сро́дникъ твои́хъ, вседу́шно потща́лся еси́ благоугоди́ти превѣ́чному Бо́гу. Тѣ́мже за толи́кое твое́ усе́рдіе услы́ши на́съ, при́сно глаго́лющихъ тебѣ́ сицева́я:

Р а́дуйся, орле́ небопа́рный, крила́ми богомы́слія возлетѣ́вый зрѣ́ти немерца́ющую свѣ́тлость Со́лнца пра́вды, Іису́са Христа́; ра́дуйся, у́ме чистѣ́йшій, не оскверни́выйся пре́лестьми мірски́ми. Ра́дуйся, кри́не чи́стаго обоня́нія; ра́дуйся, по́стниковъ воздержа́ніе. Ра́дуйся, благоче́стія сто́лпе непобори́мый; ра́дуйся, честно́е духо́вное сокро́вище. Ра́дуйся, свѣ́тлое добродѣ́телей прія́телище; ра́дуйся, дража́йшій сосу́де благода́тнаго сокрове́нія. Ра́дуйся, скорбя́щихъ ра́досте и утѣше́ніе; ра́дуйся, путеше́ствующихъ путеводи́телю. Ра́дуйся, безме́здный врачу́ болѣ́зней вся́кихъ; ра́дуйся, ско́рый засту́пниче оби́димыхъ.

Р а́дуйся, преподо́бне о́тче Ни́ле, Столобе́нскій чудотво́рче.

Конда́къ 6

П роповѣ́дуетъ са́мое мѣ́сто пусты́нное, преподо́бне о́тче Ни́ле, на не́мже до конца́ жи́зни твоея́ подвиза́лся еси́, какови́ бя́ху твои́ труды́, по́двизи и терпѣ́ніе, я́ко во всю́ жи́знь твою́ не имѣ́лъ еси́ ни кого́же соскорбя́щаго и утѣша́ющаго тя́ въ терпѣ́ніи, но па́че отвсю́ду належа́ху ти́ озлобле́нія, воздвиза́емая отъ врага́ неви́димаго: не терпя́ бо зави́стникъ богоуго́днаго житія́ твоего́ зрѣ́ти, нѣ́когда наусти́ подо́бныхъ себѣ́ ке́ллію твою́ сожещи́ и съ тобо́ю; но ты́, я́коже на него́ самаго́, та́ко и на вся́ его́ злоко́зненныя сѣ́ти, имѣ́лъ еси́ поража́ющь камы́къ, я́ко Дави́дъ на Голіа́ѳа, непреста́нную ко Го́споду Бо́гу пѣ́снь: А ллилу́ія.

Икосъ 6

В озсія́ всему́ мíру добродѣ́телей твои́хъ просвѣще́ніе, преподо́бне о́тче, о ни́хже благодаря́ще, прославля́емъ Отца́ Небе́снаго, да́вшаго ти́ толи́кую благода́ть вели́чія Своего́, и тебѣ́, я́ко те́плому о на́съ моли́твеннику, ра́достная воспѣва́емъ си́це:

Р а́дуйся, усе́рдный исполни́телю Бо́жіихъ велѣ́ній; ра́дуйся, терпѣ́ніемъ твои́мъ удиви́вый а́нгеловъ и человѣ́ковъ. Ра́дуйся, притека́ющимъ подъ кро́въ тво́й сла́дкое упокое́ніе; ра́дуйся, изнемога́ющимъ отъ трудо́въ возстановле́ніе. Ра́дуйся, исто́чниче чуде́съ оби́льный; ра́дуйся, во вся́кихъ ну́ждахъ призыва́ющимъ тя́ ско́рый помо́щниче. Ра́дуйся, надѣ́ющимся на тя́ защище́ніе непосты́дное; ра́дуйся, всѣ́мъ притека́ющимъ къ тебѣ́ приста́нище небу́рное. Ра́дуйся, хотя́щимъ твоему́ непоро́чному житію́ послѣ́довати укрѣпи́телю; ра́дуйся, свѣ́щниче, горя́й свѣ́томъ благоче́стія. Ра́дуйся, путевождю́ во тьмѣ́ невѣ́рія блудя́щимъ; ра́дуйся, пода́телю ра́зума бу́іимъ.

Р а́дуйся, преподо́бне о́тче Ни́ле, Столобе́нскій чудотво́рче.

Конда́къ 7

Х отя́, преподо́бне, отъ здѣ́шняго вѣ́ка преста́витися преле́стнаго, на вся́къ де́нь исходя́ слези́лъ и рыда́лъ еси́ надъ гро́бомъ твои́мъ, не а́ки боя́ся сме́рти, я́же таковы́мъ уго́дникомъ Бо́жіимъ, я́ко ты́ еси́, еди́нымъ е́сть прохожде́ніемъ отъ трудо́въ на упокое́ніе, отъ ско́рбей и болѣ́зней на вѣ́чную ра́дость и весе́ліе; но па́че жела́я разрѣши́тися отъ ю́зъ плотски́хъ и предста́ти престо́лу Бо́га Вседержи́теля со арха́нгелы и а́нгелы, и вку́пѣ съ ни́ми торже́ственно воспѣва́ти пѣ́снь: А ллилу́ія.

Икосъ 7

Н о́ва вся́ яви́шася тебѣ́, преподо́бне, егда́ разлучи́лся еси́ повелѣ́ніемъ Госпо́днимъ отъ привре́менныхъ: не́бо но́во, земля́ но́ва и гра́дъ Іерусали́мъ но́въ предугото́ванъ отъ Бо́га, я́ко невѣ́ста укра́шенная му́жу своему́, въ него́же съ неизрече́ннымъ весе́ліемъ воспрія́лся еси́ въ сожи́тіе вѣ́чное а́нгеломъ и всѣ́мъ святы́мъ. Мы́ же, о таковѣ́мъ твое́мъ преселе́ніи веселя́щеся, уми́льно глаго́лемъ си́це:

Р а́дуйся, еди́наго Бо́га въ тріе́хъ Ли́цахъ сподо́бивыйся лицезрѣ́нія; ра́дуйся, въ число́ прія́тый и́стинныхъ Его́ покло́нниковъ. Ра́дуйся, я́ко не ктому́ съ земны́ми, но и съ небе́сными си́лами на престо́лѣ непристу́пныя сла́вы Сѣдя́щему пое́ши: Свя́тъ, Свя́тъ, Свя́тъ Госпо́дь Савао́ѳъ; ра́дуйся, я́ко отъ Него́ почерпа́еши преизоби́льная благода́ти исполне́ніе. Ра́дуйся, и на земли́ Бо́гомъ со́браннаго твоего́ ста́да бо́дрый храни́телю; ра́дуйся, всѣ́мъ подража́ющимъ житію́ твоему́ свято́му наста́вниче. Ра́дуйся, я́ко укрѣпля́еши послѣ́дующихъ ти́ къ му́жественному со враго́мъ боре́нію; ра́дуйся, я́ко хода́тайствуеши и́мъ вѣнцы́, досто́йныя трудо́въ и по́двиговъ, отъ Христа́ Бо́га. Ра́дуйся, наде́ждо и́мъ извѣ́стная, я́ко не всу́е тещи́ и ни вотще́ труди́тися и́мъ подоба́етъ; ра́дуйся, я́ко и въ тече́ніи слу́жиши и́мъ прохла́дою и утѣше́ніемъ. Ра́дуйся, я́ко са́мъ пра́вы стези́ Госпо́дни содѣ́лалъ еси́; ра́дуйся, я́ко и всѣ́хъ тѣ́миже стезя́ми ше́ствовати науча́еши.

Р а́дуйся, преподо́бне о́тче Ни́ле, Столобе́нскій чудотво́рче.

Конда́къ 8

С тра́нное слы́шаніе во у́шію на́шею обно́сится о тебѣ́, преподо́бне о́тче Ни́ле: се́ бо толи́къ да́ръ имѣ́лъ еси́ во пло́ти отъ Бо́га, я́ко е́же и вта́йнѣ содѣ́янное отъ человѣ́къ разумѣ́лъ еси́, и окаля́нна грѣхо́вною нечистото́ю а́біе обличи́лъ еси́, поуча́я не твори́ти того́ бо́лѣе. Мы́ же, сицево́му твоему́ прозрѣ́нію дивя́щеся, прославля́емъ Бо́га, прославля́ющаго таковы́я вѣ́рныя Своя́ рабы́, и вопіе́мъ Ему́: А ллилу́ія.

Икосъ 8

В сего́ себе́, ели́ко мо́щно, повину́лъ еси́ во́ли Бо́жіей, преподо́бне о́тче; тѣ́мже и отъ Бо́га вся́ ели́ка жела́лъ, воспрія́лъ еси́, отъ на́съ же, я́ко оте́цъ и наста́вникъ на́шъ, услы́ши и пріими́ похва́льное сіе́ пѣ́ніе:

Р а́дуйся, преподо́бне, я́ко душа́ твоя́ свята́я по жела́нію твоему́ ны́нѣ въ небе́сныхъ ски́ніяхъ обрѣта́ется; ра́дуйся, я́ко во мзду́ пріе́млетъ упокое́ніе и отра́ду. Ра́дуйся, я́ко во странѣ́ о́наго весе́лія неизрече́нную сла́дость вкуша́еши; ра́дуйся, я́ко о то́й сла́дости человѣ́ку сме́ртному не лѣ́ть е́сть и глаго́лати. Ра́дуйся, я́ко тоя́ добро́ты и бла́гости о́ко человѣ́чо не ви́дѣ и у́хо не слы́ша; ра́дуйся, я́ко съ преизоби́ліемъ па́че жела́нія и хотѣ́нія получи́лъ еси́ утѣше́нія. Ра́дуйся, тѣ́хже благи́хъ и на́мъ хода́таю при́сный; ра́дуйся, отъ твои́хъ благода́тныхъ даро́въ и на́мъ пода́телю незави́стный. Ра́дуйся, я́ко промышля́еши о на́шемъ спасе́ніи; ра́дуйся, я́ко ты́ пече́шися о добродѣ́тельнѣмъ на́шемъ соверше́ніи. Ра́дуйся, я́ко тобо́ю у́мъ на́шъ въ богомы́сліи науча́ется; ра́дуйся, я́ко тобо́ю мра́къ невѣ́дѣнія прогоня́ется.

Р а́дуйся, преподо́бне о́тче Ни́ле, Столобе́нскій чудотво́рче.

Конда́къ 9

В ся́ко сло́во къ похвале́нію ангелоподо́бнаго житія́ твоего́ недово́льно зри́мъ бы́ти, преподо́бне о́тче: ка́ко бо мо́жемъ того́ по достоя́нію ублажи́ти, его́же Са́мъ Бо́гъ ди́вно прославля́етъ? Тѣ́ло бо его́, на земли́ тлѣ́нію неприча́стное, чуде́съ рѣ́ки источа́етъ, вся́кія цѣли́тъ болѣ́зни и бѣ́сы прогоня́етъ, душа́ же его́ свята́я съ два́десять четы́рьми ста́рцы пое́тъ вѣ́чно въ небеси́ Сѣдя́щему на престо́лѣ: А ллилу́ія.

Икосъ 9

В ѣтíй краснослове́сныхъ не мо́жетъ бы́ти та́ко дѣйстви́тельно, е́же бы возбуди́ти какова́го грѣ́шника къ покая́нію, я́коже твое́ си́льно и дѣ́йственно бы́сть, преподо́бне, еди́но ма́ніе: егда́ бо узрѣ́лъ еси́ гряду́ща къ тебѣ́ человѣ́ка, углѣбну́вша въ плотски́хъ нечисто́тахъ, а́біе затвори́лъ еси́ отъ него́ око́нце ке́лліи твоея́, не а́ки гнуша́яся грѣ́шника, но явля́я, ко́ль мерзи́тъ Ду́ху Свято́му душа́, пови́нная грѣху́; то́йже умили́вся пока́яся и обѣща́ся ктому́ ду́шу и тѣ́ло чи́сто соблюда́ти. Мы́ же, ра́дующеся, я́ко имѣ́емъ тя́ о покая́ніи на́шемъ усе́рднаго промысли́теля, взыва́емъ ти́ такова́я:

Р а́дуйся, на́шъ и́стинный наста́вниче; ра́дуйся, я́ко чесому́ учи́лъ еси́, та́ и са́мъ нелѣ́ностно твори́лъ еси́. Ра́дуйся, я́ко за сіе́ ве́лій во Ца́рствіи небе́снѣмъ нарече́нъ еси́; ра́дуйся, я́ко удосто́енъ еси́ вни́ти въ число́ дѣ́вствующихъ и послѣ́дующихъ Агнцу на горѣ́ Сіо́нстѣй. Ра́дуйся, сто́лпе благоче́стія и утвержде́ніе; ра́дуйся, тве́рдое правосла́вія пра́вило. Ра́дуйся, вся́ за́повѣди Госпо́дни соверше́нно сохрани́вый; ра́дуйся, Христа́ ра́ди вся́ оста́вивый и вся́ въ Не́мъ обрѣты́й. Ра́дуйся, я́ко по́льзою твои́хъ дѣ́лъ, а́ки пресла́дкими плоды́, вѣ́рныхъ ду́ши пита́еши; ра́дуйся, я́ко въ мѣ́ру добродѣ́телей твои́хъ теку́щихъ наставля́еши. Ра́дуйся, житію́ нестяжа́тельному Христа́ ра́ди научи́выйся; ра́дуйся, за́повѣдь Христо́ву: не мо́жете рабо́тати Бо́гу и мамо́нѣ, до́брѣ испо́лнивый.

Р а́дуйся, преподо́бне о́тче Ни́ле, Столобе́нскій чудотво́рче.

Конда́къ 10

С пасти́ хотя́ ду́шу твою́, преподо́бне, вся́чески о тѣлеси́ небре́глъ еси́: не имѣ́яше бо о́но у тебе́ во всю́ жи́знь твою́ упокое́нія ни сѣдѣ́ніемъ, ни на земли́ лежа́ніемъ; но вмѣ́сто упокое́нія бя́ху тѣле́сную сла́бость подде́рживающе жезли́, и та́ко пу́ть многоско́рбнаго житія́ сего́ соверши́лъ еси́; чесо́ ра́ди тѣ́ло твое́ оста́вилъ еси́ на́мъ нетлѣ́нно и многочуде́сно въ подража́ніе твои́хъ по́двиговъ, душе́ю же предста́лъ еси́ престо́лу Влады́чню, съ ли́ки Святы́хъ воспѣва́ти: А ллилу́ія.

Икосъ 10

С тѣна́ яви́лся еси́, преподо́бне о́тче Ни́ле, во искуше́ніихъ вра́жіихъ на́съ утвержда́ющая: я́коже бо дре́вле изра́ильтяномъ повелѣ́ Бо́гъ вознести́ змію́ въ пусты́ни на дре́во, да уя́звенніи отъ зміе́въ, на ню́ взира́юще, исцѣля́ются; та́ко и ты́ предложи́лъ еси́ себе́ на́мъ, да егда́ кото́рый бра́тъ по навѣ́ту вра́жію каково́ю-ли́бо стра́стію побѣжде́нъ бу́детъ, а́біе взира́лъ бы на твое́ чудесы́ обогаще́нное тѣ́ло и исцѣлѣва́лся; и́бо и ты́ такову́ю же пло́ть и тѣ́мже страсте́мъ подлежа́щую имѣ́лъ еси́, я́коже и мы́, но благода́тію Бо́жіею побѣди́тель всѣ́хъ страсте́й яви́лся еси́. Сего́ ра́ди торжеству́юще па́мять твою́, воспѣва́емъ си́це:

Р а́дуйся, преподо́бне, дре́вняго врага́ человѣкоубíйцу діа́вола со всѣ́ми его́ хитростьми́ посрами́вый; ра́дуйся, во всю́ жи́знь твою́ малѣ́йшаго угожде́нія пло́ти не яви́вый. Ра́дуйся, ни каковы́яже дру́жбы съ мíромъ не имѣ́вый; ра́дуйся, пресла́вную надъ о́нымъ побѣ́ду одержа́вый. Ра́дуйся, возду́шная мыта́рства кня́зя тьмы́ безбѣ́дно проше́дый; ра́дуйся, ла́янія мы́сленныхъ псо́въ не слы́шавый. Ра́дуйся, я́ко супоста́тъ на́шъ діа́волъ не обрѣ́те, что́ на тя́ клевета́ти; ра́дуйся, я́ко вся́ его́ си́ла на возду́сѣхъ прише́ствіемъ твои́мъ посрами́ся и уничижи́ся. Ра́дуйся, я́ко восходя́ща тя́ въ небе́сное оте́чество срѣто́ша небе́сніи а́нгели и арха́нгели; ра́дуйся, я́ко узрѣ́вше тя́ вси́ святíи возра́довашася. Ра́дуйся, я́ко сподо́бился еси́ услы́шати прелюбе́зный се́й глаго́лъ: пріиди́, сы́не благослове́нный, наслѣ́дуй угото́ванное ти́ Ца́рство; ра́дуйся, сего́ вожделѣ́ннаго жре́бія и на́мъ при́сный хода́таю.

Р а́дуйся, преподо́бне о́тче Ни́ле, Столобе́нскій чудотво́рче.

Конда́къ 11

П ѣ́ніе всепрія́тное приноси́лъ еси́ Бо́гу, преподо́бне о́тче Ни́ле, па́че же́ртвъ и всесожже́ній, отъ се́рдца сокруше́нна и смире́нна, пла́менемъ любве́ воспаря́ющее въ моли́твѣ, я́же вы́ну восхожда́ше во у́ши Го́спода Савао́ѳа, я́ко и тебе́ самаго́ си́льна яви́ся вознести́ на не́бо и поста́вити предъ престо́ломъ сла́вы Его́, идѣ́же вѣ́чно воспѣва́еши Ему́: А ллилу́ія.

Икосъ 11

С вѣ́та безвино́внаго прича́стіемъ наслади́выйся, преподо́бне о́тче Ни́ле, свѣти́льникъ мы́сленный яви́лся еси́ на́мъ, блудя́щимъ во грѣхо́внѣй тмѣ́, наставля́яй пра́выми стезя́ми ше́ствовати ко свѣ́ту самобы́тному, Христу́ Бо́гу на́шему. Мы́ же, ели́ко мо́щно, ше́ствующе по тебѣ́, я́ко предводи́тели и руково́дцѣ на́шемъ, благода́рственная восклица́емъ си́це:

Р а́дуйся, церко́вный неугаси́мый свѣти́льниче; ра́дуйся, ко свѣ́ту Бо́гу Отцу́ въ сыновство́ причте́нный. Ра́дуйся, ко свѣ́ту Бо́гу Сы́ну бра́тство благода́тію Его́ стяжа́вый; ра́дуйся, отъ свѣ́та Бо́га Ду́ха Свята́го воспрія́вый обруче́ніе живота́ вѣ́чнаго. Ра́дуйся, я́ко вся́, ели́ка хо́щеши, отъ о́наго Тріѵпоста́снаго Свѣ́та заи́мствуеши; ра́дуйся, я́ко и на́съ благода́тнымъ свѣ́томъ просвѣща́еши. Ра́дуйся, я́ко ра́ди твои́хъ за на́съ предъ престо́ломъ Бо́жіимъ моли́твъ, и мы́ при исхо́дѣ отъ жи́зни сея́ надѣ́емся избѣжа́ти зрѣ́нія мра́чнаго лица́ де́монскаго; ра́дуйся, я́ко при твое́мъ свѣтѣ́ніи и мы́ безбѣ́дно пріити́ упова́емъ до горы́ небе́сныя. Ра́дуйся, я́ко тебѣ́, на́съ руково́дствующу, устраши́тся кня́зь тмы́, не терпя́ зрѣ́ти свѣ́тлости лица́ твоего́; ра́дуйся, я́ко отъ свѣ́та твоего́ вся́ просте́ртыя на на́съ сѣ́ти его́, а́ки паучи́на, исче́знутъ. Ра́дуйся, я́ко мы́, тобо́ю руководи́ми, надѣ́емся пріити́ ко о́ному Незаходи́мому Свѣ́ту, Христу́ Го́споду; ра́дуйся, я́ко тобо́ю наставля́еми, и мы́ вѣ́руемъ бы́ти прича́стницы сла́вы Его́.

Р а́дуйся, преподо́бне о́тче Ни́ле, Столобе́нскій чудотво́рче.

Конда́къ 12

Б лагода́ть не преста́й излива́ти, преподо́бне о́тче Ни́ле, на мѣ́сто, идѣ́же по́стническаго житія́ твоего́ тече́ніе соверши́лъ еси́, и идѣ́же пре́жде кончи́ны твоея́ возвѣсти́лъ еси́ ду́хомъ проро́ческимъ бы́ти и́ночествующимъ вселе́нію: се́ бо, по предрече́нію твоему́, мы́ здѣ́ всели́хомся, здѣ́ и поко́й на́шъ. Ты́ же, я́ко оте́цъ и наста́вникъ, укрѣпля́й ны́ и помога́й на́мъ до конца́ жи́зни на́шея душеспаси́тельную пѣ́снь воспѣва́ти Го́споду Бо́гу: А ллилу́ія.

Икосъ 12

П ою́ще твоя́ и́ноческія по́двиги, ублажа́емъ бдѣ́ніе, непреста́нныя моли́твы, по́стъ, смире́ніе и терпѣ́ніе, преподо́бне о́тче Ни́ле; но оба́че вѣ́мы, я́ко, а́ще бы и тмочи́сленными устна́ми могли́ тя́ ублажи́ти, ни ко́еже сло́во дово́льно бу́детъ на похвалу́ твои́хъ пресла́вныхъ добродѣ́телей. То́йже бо Еди́нъ си́ленъ тя́ по достоя́нію просла́вити и ублажи́ти, Иже глаго́летъ: прославля́ющія Мя́ просла́влю. И ны́нѣ у́бо, я́ко торже́ственный побѣди́тель враго́въ спасе́нія, прославля́йся и сѣди́ на престо́лѣ съ двоюна́десятьми ста́рцы, отъ на́съ же, ча́дъ твои́хъ, а́ще и ма́лое, оба́че пріими́ приноше́ніе сіе́:

Р а́дуйся, гото́внѣйшій защи́тниче во оби́дахъ су́щимъ; ра́дуйся, крѣ́пкій щи́те отъ льсти́ваго и клеветли́ваго язы́ка. Ра́дуйся, отврати́телю отъ грѣ́шниковъ пра́веднаго гнѣ́ва Бо́жія; ра́дуйся, ка́ющихся грѣ́шниковъ ско́рый предъ Бо́гомъ засту́пниче. Ра́дуйся, въ послѣ́дней бѣдѣ́ сме́ртнѣй па́че наде́жды помо́щниче; ра́дуйся, до́брый па́стырю ове́цъ Христо́выхъ. Ра́дуйся, я́ко моли́твами твои́ми воспяща́еши дре́внему человѣкоубíйцѣ діа́волу въ ко́знехъ его́ проти́ву рабо́въ Бо́жіихъ; ра́дуйся, я́ко, и́хже о́нъ мни́тся имѣ́ти во свое́й вла́сти, и тѣ́хъ исторга́еши. Ра́дуйся, я́ко посо́біемъ твои́хъ моли́твъ безнаде́жніи и отча́янніи наде́жни быва́ютъ; ра́дуйся, я́ко тебѣ́, и́хъ руково́дствующу, и они́ Ца́рствіе небе́сное улучи́ти ча́ютъ. Ра́дуйся, я́ко тебѣ́, и́хъ защища́ющу, вра́жія стрѣ́лы тѣ́хъ не уязвля́ютъ; ра́дуйся, я́ко при твое́й по́мощи они́ са́ми врага́ устраша́ютъ.

Р а́дуйся, преподо́бне о́тче Ни́ле, Столобе́нскій чудотво́рче.

Конда́къ 13

Се́й конда́къ глаго́лется три́жды. Та́же Икосъ 1-й и Конда́къ 1-й

Моли́тва

Тропа́рь, гла́съ 4

Я ко свѣти́льникъ всесвѣ́телъ, яви́лся еси́ во о́стровѣ Селиге́ра е́зера, преподо́бне о́тче Ни́ле, ты́ бо, кре́стъ Христо́въ отъ ю́ности своея́ на ра́мо взе́мъ, усе́рдно Тому́ послѣ́довалъ еси́, чистото́ю Бо́гови прибли́жився, отону́дуже и чуде́съ дарова́ніемъ обогати́лся еси́. Тѣ́мъ и мы́, притека́юще къ ра́цѣ моще́й твои́хъ, уми́льно глаго́лемъ: о́тче преподо́бне, моли́ Христа́ Бо́га спасти́ся душа́мъ на́шимъ.

Сла́ва, и ны́нѣ

Е же отъ вѣ́ка утае́нное, и а́нгеломъ несвѣ́домое та́инство: Тобо́ю, Богоро́дице, су́щимъ на земли́ яви́ся, Бо́гъ въ несли́тномъ соедине́ніи воплоща́емь, и кре́стъ во́лею на́съ ра́ди воспріи́мъ, и́мже воскреси́въ первозда́ннаго, спасе́ отъ сме́рти ду́ши на́ша.

Конда́къ, гла́съ 8

О те́чества, преподо́бне, удали́вся, въ пусты́ню всели́лся еси́, и, на о́стровъ Селиге́ра е́зера возше́дъ, жесто́ко житіе́ показа́лъ еси́, и, мно́гихъ добродѣ́тельми удиви́въ, дарова́нія чуде́съ отъ Христа́ прія́лъ еси́. Помина́й на́съ, чту́щихъ па́мять твою́, да зове́мъ ти́: ра́дуйся, Ни́ле, о́тче на́шъ.

Велича́ніе

У блажа́емъ тя́, преподо́бне о́тче на́шъ Ни́ле, и чте́мъ святу́ю па́мять твою́, наста́вниче мона́ховъ и собесѣ́дниче а́нгеловъ.

Источник

Беременность и дети

акафист нилу столобенскому слушать в исполнении братии монастыря

Молитва св нилу столобенскому

Молитвы святым

Память: 27 мая / 9 июня (обретение мощей), 7 / 20 декабря

Преподобный Нил Столобенский на фоне монастыря. Икона, XVII век

Тропарь преподобному Нилу Столобенскому, глас 4